Këto janë rregullat e reja për organizimin e dasmave dhe ahengjeve

17:00 | 14 Korrik 2021
Arbresh.info

Qeveria e Republikës së Kosovës, në mbledhjen e sotme, e mërkurë, ka miratuar masat e reja në bazë të ligjit Covid-19, shkruan arbresh.info.

Kësaj radhe, masat që u ndërmorën rezultojnë të jenë lehtësuese, në mënyrë që gastronima e sektorët e tjerë të bizneseve, të kenë mundësi që të punojnë më gjatë, duke e rritur shpresën e një rimëkëmbjeje pas dëmit të shkaktuar nga pandemia.

Ndër masat lehtësuese të Qeverisë, vlen të përmendet zgjatja e orarit të punës për bizneset e gastronomisë. Deri më tani, bizneset kanë pasur të drejtë që të punojnë deri në orën 11:00h.

Me rregullat e reja, bizneset do të kenë mundësi të punojnë deri në orën 01:00h.

Meqë sezoni i verës në vendin tonë konsiderohet si ideali për dasma e ahengje, ato do të lejohen të mbahen, deri në po të njëjtin orar (01:00h) dhe me një kapacitet deri në 300 persona./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm